Jóhann Birnir: Lífsnauðsynlegt fyrir okkur

Það mætti segja að leikurinn hafi unnist í grunngildunum en baráttan sem ÍR sýndi í dag sótti sigurinn. Sýndu þeir í dag að þegar grunngildin eru í lagi að þá fylgir hitt?

„Já, það er yfirleitt þannig í fótbolta. Við höfum alveg gæðin til að gera eitthvað en ef að við erum ekki on, eins og þú segir, í grunngildunum þá getur farið illa en þetta var bara frábært í kvöld.“

Það leit út fyrir á köflum að leikurinn yrði einhver vitleysa en báðir bekkir virtust voru ósáttir með Gunnar Odd, dómara leiksins:

„Hann stóð sig bara fínt. Þetta var svo sem ekkert grófur leikur, bara menn voru að leggja allt í þetta og þetta var bara heiðarlega spilaður leikur af báðum liðum en við náðum að klára þetta í kvöld og það var náttúrulega lífsnauðsynlegt fyrir okkur.“

Framundan eru þrír úrslitaleikir hjá ÍR um að halda sæti sínu í deildinni en þeir horfa væntanlega bara á einn leik í einu eða hvað?

„Já, maður spilar bara einn leik í einu, það er bara þannig.“

Viðtalið við Jóhann má sjá í heild sinni í spilaranum hér að ofan.