Paul Pogba, leikmaður Manchester United, lenti í þeirri hörmulegu reynslu að verða fyrir kynþáttafordómum í vináttuleik Rússlands og Frakklands í gær.
Leikurinn fór fram á Krestovsky í Pétursborg. Sá völlur mun hýsa sjö leiki á HM í sumar, þar á meðal annan undanúrslitaleikinn.
Leikurinn fór fram á Krestovsky í Pétursborg. Sá völlur mun hýsa sjö leiki á HM í sumar, þar á meðal annan undanúrslitaleikinn.
Pogba var ekki eini leikmaður Frakklands sem varð fyrir kynþáttafordómum í gær, því aðrir leikmenn Frakka, sem eru dökkir á hörund, lentu í því líka.
FIFA er að rannsaka málið en þetta ætti að vera nokkuð auðvelt rannsóknarferli fyrir FIFA þar sem apahljóð heyrðust í sjónvarpsútsendingu frá leiknum, þegar Pogba var með boltann.
Þetta er mál er mikið áhyggjuefni þar sem HM í Rússlandi er á næsta leyti. Kynþáttafordómar hafa verið vandamál í fótboltanum í Rússlandi en það þarf að finna lausn áður en HM hefst.
Hér að neðan má sjá myndband úr sjónvarpsútsendingu leiksins þar sem apahljóð heyrast greinilega.
Monkey chants targeting Pogba were so loud that you can even clearly hear them on TV. Shameful and disgusting. #NoToRacism (via @Differreencee) pic.twitter.com/0z6kyxDtnV
— CSKA Fans Against Racism (@WeAreCSKA11) March 28, 2018
Athugasemdir