Rabiot, sem er 19 ára gamall, er talinn einn efnilegasti miðjumaður heims um þessar mundir en hann var ansi nálægt því að yfirgefa PSG í sumar.

Hann var svo gott sem kominn til Roma en ekkert varð úr félagaskiptunum á endanum og þurfti hann því að vera áfram hjá PSG en samningur hans við félagið átti að renna út í sumar.

Hann tók þó magnaða u-beygju og framlengdi við PSG en hann lék sinn fyrsta leik í gær.

,,Ég er ánægður með lífið þar sem það eru fjórir mánuðir síðan ég spilaði síðast í deildinni. Ég er ánægður með að vera kominn aftur og ég er ánægður með mitt framlag," sagði Rabiot.