Hildur Antonsdóttir var frekar fúl að leik loknum gegn Val í Pepsi Max deildinni fyrr í kvöld þrátt fyrir jöfnunarmark í restina sem gefur Breiðablik veika von.

Lestu um leikinn: Breiðablik 1 -  1 Valur

Það hlýtur að vera hrikalega fúlt að vinna ekki leikinn miðað við hvernig hann spilaðist?

„Við erum þakklátar fyrir stigið og ánægðar með að þær fái ekki að fagna á okkar heimavelli en mér fannst við alltaf eiga að fá þrjú stig úr þessum leik.''

Þú færð gott færi, Alexandra fær gott færi og það er í raun aulalegt af ykkur að vera ekki komnar yfir í leiknum?

„Já algjörlega, ég hefði alltaf átt að klára þetta færi en það var smá stress í byrjun, svo fannst mér við eiga að fá víti í sókninni áður en þær skora þegar það er brotið á mér og það hefur mikið að segja um leikinn.''

Það þarf kraftaverk til að Valur verði ekki meistari, hefur þú trú á að það geti gerst?

„Ég hef fulla trú á því að við eigum séns, ef heimurinn er réttlátur finnst mér við eiga að vinna þetta miðað við hvernig leikurinn var í dag.''

Viðtalið í heild sinni má sjá í spilaranum hér að ofan en þar ræður Hildur meðal annars betur um leikinn, hvað klikkaði, titilbaráttuna og trúnna á því að þær geti orðið meistarar.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit