Breiðablik áfram!

Nú er það Gísli sem skýtur en það fer rétt yfir.

Oliver næstum því með alveg eins mark en núna ver Beitir í horn, sá hefur verið að verja hérna!

Blikar eru að ná góðum skotum hérna, nú er það Sveinn Aron en Beitir ver aftur.

7 mínútum bætt við vegna meiðslana hjá Hendrickx og Sindra.

Aron Bjarna með skot sem Beitir slær frá.

Allt að sjóða uppúr! Atli fær geggjaða sendingu innfyrir frá Pablo en skýtur framhjá, Elfar var í honum og Atli vildi víti en það hefði verið rangur dómur að mínu mati, Elli og Atli lenda síðan saman í kjölfarið, ná KR að jafna þetta?

Gísli er að bossa miðjuna, tekur hérna skot sem Beitir er nálægt því að missa inn en í horn fer boltinn.

Aron Bjarna dettur hérna í gegn vinstra megin og á gott skot en það sleikir stöngina á leiðinni framhjá.

Vert er að taka fram að Blikar stilltu upp nýju kerfi hérna í dag, þeir spila með 5 manna vörn þar sem Damir, Viktor og Elfar eru í hafsentalínunni.

Hendrickx hneig hérna niður uppúr þurru og heldur um brjóstið á sér og það er kallað eftir lækni hérna, þetta lýtur skelfilega út. Það er búið að setja teppi fyrir svo ekki sjáist svo þetta virðist verulega alvarlegt. Hann hneig bara niður aleinn, það er algjör þögn hérna.

Gísli með enn einn frábæra sprett sinn upp völlinn, kemur honum á Svein Aron sem sendir hann á Kolbein, Kolbeinn tekur skæri og skýtur svo í KR-ing og í horn.

Dauðafæri hjá Sveini sem færir sig á vinstri og tekur skotið en Beitir ver mjög vel frá honum.

Vá hvað þetta var lélegt! Geggjaður bolti í gegn á Bjerregaard sem er ekki rangstæður en hann rennur í skotinu og það drífur ekki að marki.

Lítið markvert að gerast, engin marktækifæri og leikurinn eiginlega steindauður, það þarf eitthvað að gerast til að hressa líðin við.

Bjerregaard með fínan sprett og leggur hann út á Bjögga sem fer í skotið, leit vel út en Gulli grípur hann auðveldlega.

Gísli í kapphlaupi við Watson og hann vinnur það auðvitað og Watson neyðist til að brjóta á honum úti í horni.

Váa, Gísli með geggjan bolta fyrir á Damir sem er aleinn en hann sýnir hafsenta takta og tekur skelfilegt touch og klúðrar þessu alveg, daaauðafæri!

Gísli með skot í varnarmann og Blikar fá horn.

Þessi seinni hálfleikur byrjar illa, ég kalla eftir að bæði lið fari að bjóða uppá einhverja smá skemmtun hérna.

KR byrja seinni hálfleikinn.

Eftir tíðindalítinn leik þá var allt að gerast síðustu sekúndur leiksins en Blikar fara með 1-0 forrystu í hálfleikinn.

Sindri er ekki að fara halda leik áfram, hann er að fara útaf á börum hérna, ömurlegt að sjá og vonandi jafnar hann sig sem allra fyrst.

Þvílíkar vörslur hérna! Fyrst er Kolbeinn kominn í færi en Sindri ver virkilega vel, svo berst boltinn út á Arnþór sem skýtur og aftur ver Sindri vel, stökk síðan á eftir boltanum og vann aukaspyrnu en liggur eftir á vellinum.

Álitleg sókn KR endar með hörmungar fyrirgjöf Beck í markspyrnu.

Watson úti á túni hérna og spilar Arnór réttstæðan þegar öll línan er einhverjum 15 metrum ofar, stálheppinn að Arnór tekur slakt skot sem Sindri ver vel, algjör dauðafæri!

Arnþór Ari með fínan sprett og skýtur svo á markið en skotið hans er gripið af Sindra, það segir sitt um þennan leik að þetta er markverðasta færið í langan tíma.

Það er kominn hiti í menn og menn eru að fara í návígi af fullum krafti sem er jákvætt. Uppspil beggja liða er hins vegar hægt og fyrirsjáanlegt.

Enn og aftur lítið að gerast í þessum leik, KR verða að hressa sig við til að koma sér inn í þennan leik, ekkert að frétta hjá þeim.

Arnþór Ari með skot sem Sindri ver meistaralega í horn!

Morten Beck með sendingu á Óskar sem keyrir á og skýtur en hann hittir hann illa.

Það er komin læti hérna, Ívar þarf að skilja Pálma og Arnþór af sem virtust ætla í einhverjar stympingar en Ívar drap það í fæðingu.

Lítið gerst eftir markið eiginlega, leikurinn verið rosalega rólegur.

Óskar með hornspyrnu inná teiginn sem Bjerregaard rett nær ekki að skalla, var aleinn.

Gísla langar að skora í dag, tekur hérna fínan sprett og skýtur svo fyrir utan en framhjá fer boltinn.

Arnþór chippar nettri sendingu inná teiginn sem Gísli nær ekki að stýra á markið.

Gísli sendir boltann í hnakkann á Ívari Orra dómara sem stoppar leikinn, virðist hafa farið beint í eyrað á honum en Ívar heldur áfram. Sérstakt atvik en gott að er í lagi með Ívar.

Blikar byrja með boltann hérna og sækja í átt að Sporthúsinu.

Það er frábært veður hérna í kvöld, búinn að vera mjög góður dagur og það er enn glampandi sól á grænan Kópavogsvöllinn sem lýtur frábærlega út. Líklega besta veðrið í sumar.

Byrjunarliðin eru komin inn, hjá Blikum fá Kolbeinn og Arnór Gauti sénsinn í byrjunarliðinu á meðan KR-ingar gefa Sindra Snæ tækifæri í markinu í dag.

Blikarnir töpuðu gegn Íslandsmeisturum Vals á sunnudaginn í hörku leik sem endaði með 2-1 sigri Valsara, þeir sitja þó enn í toppsætinu með 11 stig. KR vann góðan 2-0 heimasigur á KA mönnum og eru í 4.sætinu með 9 stig.

Jökull Ingason Elísabetarson, spilandi þjálfari Augnabliks er spámaður dagsins. Jökull hefur spilað með bæði Blikum og KR og er því tilvalið að hann spái í þennan leik.
,,Þetta verður leikur tveggja þéttra varna, 0-0 eftir framlengingu þar sem Gulli verður hetjan í vító\"

Breiðablik fór góða ferð í Breiðholtið og vann 3-1 sigur í síðustu umferð bikarsins a meðan KR valtaði yfir Aftureldingu i Mosfellsbæ, 7-1.

Góða kvöldið og verið velkomin í stórleik í Mjólkurbikar karla, Breiðablik tekur á móti KR hér á Kópavogsvelli.