Líkt og Óli Stefán sagði í viðtali þá vann Skaginn í kvöld að vegna þess að líklega vildu þeir þetta meira. ÍA gerði vel í kvöld. Grindavík voru sterkari í fyrri hálfleik en ÍA gaf fá færi á sér. Skagamenn komu svo flottir út í seinni hálfleikinn á meðan Grindvíkingar voru daprir.

Sigurmark Arnars. Leikurinn virtist ætla í framlengingu en þá var Arnar Már mættur inn í teiginn, lék á varnarmann Grindavíkur og tæklaði boltann í netið, tveimur mínútum fyrir leikslok við mikinn fögnuð stuðningsmanna ÍA. Eitthvað hefur Jói Kalli líklega fagnað í stúkunni.

Það þarf ekkert að flækja þetta. ÍA verður í pottinum þegar dregið verður í 8-liða úrslit, Grindavík ekki.

Ætla nefna einn Skagamann og nokkra Grindvíkinga.

Ragnar Leósson átti alls ekki góðan leik á miðju Skagans í kvöld, og var tekinn útaf í hálfleik. Missti boltann einu sinni á hættulegum stað sem leiddi til marks sem var að vísu dæmt af vegna rangstöðu.

Hjá Grindavík voru nokkrir sem spiluðu undir pari, þá sérstaklega í seinni hálfleik. Menn eins og Will Daniels, Sito, Alexander Veigar, Gunnar Þorsteins, Hewson. Væri alveg hægt að nefna allt Grindavíkurliðið. Alls ekki góðir í seinni hálfleik

Reyndi nú ekki mikið á Einar. Ágætis flæði á leiknum. Kannski einu broti of fljótur að veifa spjöldunum en ekkert við hann að kvarta.