SKÝRSLAN: Mikið púður bikarmeistara gaf ekkert
Hvað réði úrslitum?
ÍBV var óheppið að vinna ekki í venjulegum leiktíma en eftir að Valur jafnar var þetta eiginlega ekki spurning. Valur átti meira inni og það réði úrslitum.
Bestu leikmenn
1. Sindri Björnsson
Var allt í öllu. Lagði upp, skoraði og fiskaði mann út af. Flottur leikur hjá Sindra sem er heldur betur að minna á sig.
2. Kaj Leo
Var potturinn og pannan í leik ÍBV og skoraði glæsilegt mark.
Atvikið
Sigurmark Thomsen er atvikið. Hann var búinn að vera afleitur í leiknum en dúkkaði upp á ögurstundu.
Hvað þýða úrslitin?
ÍBV ver ekki bikarinn og Íslandsmeistararnir eru búnir að slá út tvö Pepsi lið.
Vondur dagur
Ætlaði að henda þessu á Thomsen en hann kom í veg fyrir það með að klára leikinn. Sindri Snær fær þá þessa nafnbót enda fékk hann rautt og var óvenju klaufskur í sendingum og návígum.
Dómarinn - 5,5
Pétur átti ekki frábæran leik en fær ekki falleinkunn. Misræmi var í framlengingunni og inn á milli benti hann í ranga átt, á kostnað beggja liða.