SKÝRSLAN: Liðsheildarsigur hjá Þórsurum
Hvað réði úrslitum?
Eins og segir í fyrirsögninni lék Þór vel sem lið í dag. Leikurinn var frekar jafn framan af og Þór komst yfir þegar jafnvægi var á leiknum. Fyrstu 70 mínúturnar sást ekki mikill gæðamunur en þegar Þróttararnir urður þreyttari í restina var bara tímaspursmál hvenær Þór myndi bæta við öðru marki sem kom svo á 90. mínútu.
Bestu leikmenn
1. Nacho Gil
Nacho var flottur í dag eins og svo oft áður. Vann vel fyrir liðið og sýndi gæði með boltann. Lagði upp bæði mörkin.
2. Sigurður Marínó Kristjánsson
Mér fannst Siggi Marínó vera vaxandi í leiknum og hann fullkomnaði það með marki á 90. mínútu. Alvaro og Jónas áttu einnig góðan leik hjá Þórsurum.
Atvikið
Varslan frá Aroni Birki frá Jasper. Frábær varsla sem hélt Þórsurunum í forystu. Aron með eina alvöru vörslu þegar á þurfti að halda.
Hvað þýða úrslitin?
Þór er komið með níu stig og er aftur á sigurbraut eftir tvo tapleiki fyrir leikinn í dag. Þróttur hefur fjögur stig.
Vondur dagur
Ekkert sem hrópar á mann hvað varðar frammistöðuna.
Dagurinn er auðvitað vondur fyrir Loft Pál sem fór meiddur af velli.
Dagurinn er auðvitað vondur fyrir Loft Pál sem fór meiddur af velli.
Dómarinn - 6
Kristinn fékk alls ekki auðveldan leik til þess að dæma. Þórsarar eru gjarnir á að tjá sig og reyna hafa áhrif á dómarann. Brotið undir lok fyrri hálfleiks þegar Loftur meiðist sá undirritaður ekki nægilega vel til að dæma um hvort einkunnin eigi að lækka.