Styttist Þá ganga liðin til vallar. Það er löngu búið að fylla stúkuna og vonandi fáum við veisluleik!

Korter í leik, liðin og dómarar ganga til búningsherbergja og gera sig klár í slaginn.

Byrjunarliðstíðindi! Þrátt fyrir að 1-0 sigur í seinasta leik gegn Fram er óhætt að segja að Víkingar áttu alls ekki góða frammistöðu í þeim leik. Þeir voru hreinlega heppnir að hafa náð í 3 stig . Arnar Gunnlaugsson, þjálfari Víkinga, gerir einungis tvær bryetingar á Víkingsliðinu frá sigrinum gegn Fram. Helgi Guðjónsson og Valdimar Þór Ingimundarson koma úr byrjunarliðinu en þeir Nikolaj Hansen og Daniel Dejan Djuric koma inn í liðið.

Gestirnir úr Kópavogi hrófla lítið í liðinu frá 4-0 sigrinum gegn Vestra. Þeir gera alls tvær breytingar frá þeim leik en þeir Alexander Helgi Sigurðarson og Kristófer Ingi Kristinsson koma inn í liðið fyrir þá Kristinn Steindórsson og Arnór Gauta Jónsson.

Ertu ekki að hlusta? Ég mæli með að fólk stilli á útvarpsþáttinn frá því í gær, þar sem Halli Hróðmars var gestur, og seinasta þátt af Innkastinu til að hita sig aðeins upp fyrir stórleikinn!

Ný skák Nú hefst ný skák, skák þeirra Arnars Gunnlaugssonar og Halldórs Árnasonar. Koma þeir okkur á óvart í kvöld?
Svona líta líklegu byrjunarlið .net út:

Dómarateymið Við erum held ég að fara að fá mjög vel dæmdan leik á morgun. En dómari leiksins er Vilhjálmur Alvar með þá Kristján Má Ólafs og Gylfa Má Sigurðsson sér til aðstoðar. Elías Ingi verður með skiltið á hliðarlínunni en Kristinn Jakobsson með stílabókina í stúkunni. Þess má geta að Vilhjálmur Alvar dæmdi leik liðanna í Víkinni í fyrra.

Tölfræði Vilhjálms í efstu deild
Leikir: 193
Gul spjöld: 825
Rauð spjöld: 40
Dæmdar vítaspyrnur: 59

Fyrrum fyrirliði Víkinga spáir í spilin Nýjasti leikmaður kvennaliðs Vals og fyrrum fyrirliði Víkinga, Nadía Atladóttir, spáði í spilin fyrir 3. umferð Bestu deildar karla á dögunum.

Víkingur R. 4 - 2 Breiðablik (19:15 í kvöld)
Langar að segja Breiðablik en ég sé ekki Víkingana misstíga sig, þeir eru of vel spilandi þessa dagana. Þetta verður vel spilaður markaleikur sem endar 4-2.

Mörkin úr leikjunum

Leikirnir í fyrra Það hefur svo sannarlega gengið mikið á milli Víkings og Breiðabliks í undanförnum leikjum. Leikirnir í fyrra voru svo sannarlega skemmtilegir og líflegir innan sem utan vallar.

Í fyrsta leik liðanna í fyrra voru Víkingar 2-0 yfir í hálfeik og þegar klukkan sló 90 mínútur en á einhvern ótrúlegan hátt tókust Blikunum að redda stigi úr leiknum. Í lok leiks sauð allt upp úr en þjálfarar og leikmenn liðanna voru svo sannarlega heitt í hamsi í viðtölum eftir leikinn. Hér má sjá viðtöl .net úr leiknum í fyrra á Kópavogsvelli.
Rútuleikurinn
Í seinni leik liðanna fyrir tvískiptinguna fengu Víkingar Breiðablik í heimsókn. Nema Blikarnir mættu bara dálítið seint í heimsóknina. En sá leikur og allt sem átti sér stað í kringum hann fer seint úr manna minnum. Þetta var stórfurðulegur leikur. En Blikarnir mættu í rútu þegar það var mjög stutt í leik, fóru aldrei inn í klefann, spiluðu með hálfgert varalið og skiluðu engri leikskýrslu nema þegar það var stutt í leik. Fólk skiptist síðan auðvitað á skoðunum um þessa frægu rútuferð. Var þetta nett? Var þetta barnalegt?

Liðin fara vel af stað Það er held ég alveg óhætt að segja það að Víkingur og Breiðablik hafa byrjað leiktíðina með glæsibrag en bæði lið eru með fullt hús stiga og eiga enn eftir að fá á sig mark. Verða þetta liðin sem munu berjast um skjöldin í sumar?

Svona lítur sú lang besta út þegar 3. umferðin er hálfnuð:

1. Breiðablik 6 stig
2. Víkingur 6 stig
3. KR 6 stig
4. Fram 6 stig
5. FH 6 stig
6. Valur 4 stig
7. ÍA 3 stig
8. Stjarnan 3 stig
9. Fylkir 1 stig
10. KA 1 stig
11. HK 1 stig
12. Vestri 0 stig

Klárum þetta með stæl! Heilir og sælir ágætu lesendur og verið hjartanlega velkomin í þessa þráðbeinu textalýsingu úr Víkinni. Lokaleikur 3. umferðar Bestu deildarinnar er enginn smá leikur. Tvö bestu lið landsins mætast í klárlega leik ársins hingað til í Íslenska fótboltanum. Ég segi bara spennið sætisbeltin gott fólk því þetta verður algjör veisla!