Fótbolti.net

Varafyrirliði KFG: Hann gæti leikandi verið í hvaða liði sem er í Bestu

Búist við fjölmenni úr Garðabæ - „Ætla að vera í íslenska þjóðbúningnum“

Mikil spenna í Garðinum - „Góð sýning fyrir okkar litla bæjarfélag“

Lára Kristín: Það var mjög gaman að koma inn í þetta aftur

Telma missti röddina: Veit ekki einu sinni hvort þær hafi heyrt í mér

Sædís eftir fyrsta A-landsleikinn: Draumar eru til að láta þá rætast

Arna Sif: Þá verður þetta þungt og erfitt

Hildur Antons: Eitthvað sem við þurfum að laga í okkar sóknarleik

Glódís Perla: Þurfum að mæta töluvert betri í næsta glugga

Hlín: Þurfum að vinna hart bæði sem einstaklingar og lið að komast upp á þeirra level

Ingibjörg: Selma byrjar bara á því að kjöta Popp

Sandra María: Vantaði upp á návígin og að vilja þetta meira

Steini: Það getur vel verið að þetta hafi verið illa sett upp

Karólína Lea: Mikið af olnbogaskotum og einhverju kjaftæði

Sölvi Geir: Skrípamörk sem að við fáum á okkur

Damir: Þetta snýst um að vinna og við þurftum á þessum sigri að halda

Óskar Hrafn: Við skulduðum þessa frammistöðu

Gísli Eyjólfs: Mér finnst þessi rígur geggjaður

Davíð Atla: Ber engar tilfinningar til Breiðabliks

Foreldrarnir flugu að austan fyrir stóru stundina - „Alltaf stutt við bakið á mér"

fös 02. júní 2023 22:28

Guðmundur Aðalsteinn Ásgeirsson
Kópavogsvelli

Arnar mjög pirraður: Minnti á æfingu hjá Willum í gamla daga

Arnar Gunnlaugsson, þjálfari Víkinga.

Mynd: Jónína Guðbjörg Guðbjartsdóttir

Víkingar fagna marki í kvöld.

Mynd: Fótbolti.net

Arnar Gunnlaugsson, þjálfari Víkings, var vægast sagt pirraður eftir dramatískt jafntefli gegn Breiðabliki í Bestu deildinni í kvöld.

Víkingar komust í 0-2 í fyrri hálfleik og virtust vera að sigla sigrinum heim í Fossvoginn, en Blikar skoruðu tvisvar í uppbótartímanum og jöfnuðu metin.

Lestu um leikinn: Breiðablik 2 - 2 Víkingur R.

„Þetta er ósanngjarnt, ógeðslegt, ömurlegt, hræðilegt, katastrófa og allur þann pakki. Ég vorkenni strákunum, ég virkilega vorkenni þeim," sagði Arnar við Fótbolta.net eftir leik.

Jöfnunarmark Víkinga kom 40 sekúndum eftir að uppgefinn uppbótartími hafði klárast, en Blikar skoruðu fyrr í uppbótartímanum.

„Ef uppbótartíminn heldur endalaust áfram þangað til hitt liðið skorar... þetta minnir mann á æfingu með Willum Þór í gamla daga hjá KR. Liðið hans var alltaf að tapa og við spiluðum í tvo klukkutíma, þangað til að hans lið vann og þá gátu allir farið heim. Þetta er hlægilegt," sagði Arnar en hann var ósáttur við dómgæsluna.

„Eftir 76 mínútur fengu Blikar sitt fyrsta spjaldið í leiknum og við máttum ekki komast upp með neitt. Gaurinn hefur aldrei horft á leik í ensku úrvalsdeildinni, hann leyfði okkur ekki neitt. Hann var bara lélegur í dag," sagði Arnar um Ívar Orra, dómara. „Hann var ekki þessum leik til sóma."

„Hann gat ekki beðið eftir að flauta þegar Dani kemst einn í gegn í fyrri hálfleik. Ég er virkilega pirraður. Pirraður út í þessa gaura því þeir eru bara búnir að vera lélegir í sumar, virkilega lélegir."

Arnar fór svo yfir nokkur atvik í sumar þar sem hann hefur verið ósáttur með dómgæsluna. „Johan Cruyff sagði að þú eigir að búa til lið svo þú þurfir ekki á dómurum að halda. Það hafa komið ansi mörg atvik í sumar hjá okkur... dómararnir á Íslandi eru að alltof mikil skítaáhrif á leiki, í staðinn fyrir að tvö liðið séu að spila og betra liðið vinni fokking leikinn."

„Ég er orðinn þreyttur á þessu, takið ykkur taki og gerið þetta almennilega," sagði Arnar pirraður en Víkingar geta tekið það með sér jákvætt frá kvöldinu að þeir eru með fimm stiga forskot á toppnum.

„Það er ekkert að því, en við hefðum getað verið með átta stig á Blikana. Við hefðum getað skilið þá eftir í baksýnisspeglinum. Ég veit að þeir voru að fagna eins og heimsmeistarar í lokin en þeir eru fimm stigum á eftir okkur. Við skulum það á hreinu. Ég veit ekki hvað ég á að segja. Þetta var svo mikið bull í lokin að það hálfa væri nóg," sagði Arnar að lokum.