Sædís mætt að fylgjast með gömlu liðsfélögunum Spilaði með Stjörnunni frá 2020 til 2023 en er núna á mála hjá Vålerenga í Noregi.

Það styttist í upphafsflaut en það eru um svona 15 manns í stúkunni. Mætingin á leiki í Bestu deild kvenna heldur því miður áfram að vera sorglega léleg.

Bergrós Lilja dæmir leikinn Afar efnilegur dómari.

Það er nú meiri rjómablíðan á Kópavogsvelli í dag. Sólin er á lofti og það eru um tíu gráður. Frábært veður!

Olla mætt heim Nik er með ágætis möguleika á bekknum hjá Blikum. Katrín Ásbjörnsdóttir er að stíga upp úr meiðslum og þá er Ólöf Sigríður Kristinsdóttir mætt heim úr Harvard. Hún gæti spilað sinn fyrsta leik í sumar ef hún kemur inn á sem varamaður.

Byrjunarliðin! Blika eru með sama byrjunarlið og gegn FH. Kristján Guðmundsson, þjálfari Stjörnunnar, gerir þrjár breytingar frá tapinu gegn Tindastóli. Landsliðsmarkvörðurinn Auður Sveinbjörnsdóttir Scheving byrjar í fyrsta sinn á tímabilinu og þá koma Arna Dís Arnþórsdóttir og Gyða Kristín Gunnarsdóttir inn í liðið. Erin McLeod og Hrefna Jónsdóttir fara á bekkinn en Anna María Baldursdóttir, fyrirliði, er ekki með í dag.

Leikir dagsins miðvikudagur 8. maí

Besta-deild kvenna
18:00 Breiðablik-Stjarnan (Kópavogsvöllur)
18:00 Keflavík-Valur (HS Orku völlurinn)
18:00 FH-Þróttur R. (Kaplakrikavöllur)

Vigdís Lilja byrjað ótrúlega vel Vigdís Lilja Kristjánsdóttir, sóknarmaður Breiðabliks, hefur verið ein af stjörnum mótsins til þessa en hún hefur skorað í öllum leikjunum þremur til þessa. Hún hefur alls gert fimm mörk í fyrstu þremur leikjunum og er að finna sig vel í nýju kerfi hjá nýjum þjálfurum.

Heiða Ragney mætir gömlu félögunum Heiða Ragney Viðarsdóttir, miðjumaður Breiðabliks, mætir í kvöld sínum gömlu félögum.

Heiða Ragney er djúpur miðjumaður sem gekk í raðir Breiðabliks í vetur eftir að hafa spilað með Stjörnunni frá 2021. Hún er uppalin hjá Þór/KA og hóf feril sinn þar.

Þrjár óléttar í Stjörnunni

Fréttir um liðin fyrir mótið

Aníta Dögg byrjar líklega aftur í marki Breiðabliks Telma Ívarsdóttir varð fyrir því óláni að nefbrotna í annarri umferð gegn Tindastóli og voru Blikar í miklu veseni með markvarðarmál sín fyrir síðasta leik gegn FH.


Aníta Dögg Guðmundsdóttir bjargaði málunum en hún kom snemma heim úr háskóla og spilaði eftir að hafa mætt heim á morgni leikdags.

Nik Chamberlain, þjálfari Breiðabliks, sagði eftir leikinn gegn FH að Aníta myndi líklega byrja næstu leiki líka.

Alda spáir sigri Blika Alda Ólafsdóttir, sóknarmaður Fram, spáir í leiki umferðarinnar í Bestu deild kvenna fyrir Fótbolta.net.

Breiðablik 2 - 1 Stjarnan
Breiðablik búnar að byrja mótið vel á meðan að Stjarnan hefur farið brösuglega af stað. Held hins vegar að þetta verði stál í stál leikur en Breiðablik mun að lokum landa 2-1 sigri.

Stjarnan í ströggli Stjarnan hefur ekki byrjað eins vel og eru Garðbæingar aðeins með þrjú stig. Það voru miklar breytingar á liði Stjörnunnar í vetur og margir stórir leikmenn hafa horfið á braut. Stjarnan tapaði 1-2 gegn Víkingi í fyrsta leik, vann svo endurkomusigur á Keflavík og tapaði þá næst gegn Tindastóli á heimavelli.

3-0, 3-0 og 3-0 Breiðablik hefur farið frábærlega af stað í Bestu deildinni og er liðið með fullt hús stiga eftir þrjá leiki. Blikar hafa unnið alla sína leiki til þessa, 3-0. Gegn Keflavík, Tindastóli og síðast gegn FH.

Góðan daginn! Og verið velkomin í beina textalýsingu frá leik Breiðabliks og Stjörnunnar í fjórðu umferð Bestu deildar kvenna. Leikið er á Kópavogsvelli.