Kompany vill taka við Bayern - Isak og Brobbey efstir á blaði Arsenal - McKenna orðaður við Chelsea og Man Utd
banner
   mán 22. apríl 2024 12:25
Guðmundur Aðalsteinn Ásgeirsson
Þrjár óléttar í Stjörnunni - „Bestu fréttir ársins"
Ingibjörg Lúcía Ragnarsdóttir og Gunnhildur Yrsa Jónsdóttir.
Ingibjörg Lúcía Ragnarsdóttir og Gunnhildur Yrsa Jónsdóttir.
Mynd: Fótbolti.net - Hafliði Breiðfjörð
Betsy Hassett.
Betsy Hassett.
Mynd: Fótbolti.net - Hafliði Breiðfjörð
Stjarnan mun mæta með mikið breytt lið til leiks í Bestu deild kvenna í sumar en þrír af lykilmönnum liðsins frá því í fyrra verða ekki með þar sem þær eiga von á barni.

Það eru Betsy Hassett, Gunnhildur Yrsa Jónsdóttir og Ingibjörg Lúcía Ragnarsdóttir. María Sól Jakobsdóttir og Sóley Guðmundsdóttir, sem spiluðu með Stjörnunni í fyrra, eru einnig óléttar en þær eru ekki lengur samningsbundnar félaginu.

Það má búast við mikið breyttu Stjörnuliði í sumar og munu ungir leikmenn fá tækifæri til að láta ljós sitt skína.

„Það kemur maður í manns staðar. Við erum með svo ótrúlega margar ungar og efnilegar sem hafa komið vel inn í þetta núna. Svona er bara boltinn," sagði Andrea Mist Pálsdóttir, leikmaður Stjörnunnar, í Niðurtalningunni á dögunum.

„Ég held að við verðum með allt öðruvísi lið núna. Margar ungar og ferskar stelpur sem verður mjög spennandi að fylgjast með," sagði Anna María Baldursdóttir, fyrirliði liðsins.

Gunnhildur Yrsa, sem var algjör lykilkona í liði Stjörnunnar í fyrra og er með gríðarlega reynslu, tilkynnti það fyrir liðna helgi að hún og Erin McLeod, markvörður liðsins, ættu von á sínu fyrsta barni.

„Við erum svo sannarlega ánægðar fyrir hennar hönd. Ég sagði bæði við hana og Erin að þetta væru bestu fréttir ársins. Ég samgleðst þeim svo innilega og við bíðum mjög spenntar eftir að fá næsta fótboltabarn í heiminn. Lítið Stjörnubarn í heiminn," sagði Andrea Mist.

Hægt er að hlusta á Niðurtalninguna í heild sinni í spilaranum hér fyrir neðan þar sem rædd var um Stjörnuliðið fyrir tímabilið sem er framundan.

mánudagur 22. apríl
17:00 Tindastóll-FH (Sauðárkróksvöllur)
18:00 Breiðablik-Keflavík (Kópavogsvöllur)
18:00 Stjarnan-Víkingur R. (Samsungvöllurinn)
19:15 Fylkir-Þróttur R. (Würth völlurinn)
Niðurtalningin - Nýjar áherslur og spennandi tímar í Garðabænum
Athugasemdir
banner
banner
banner
banner