Eftir rólegan fyrri hálfleik kom heldur betur fjör í þann seinni og seinni hálfleikurinn var mikil skemmtun og Vestri vinna 2-0 sigur á Aftureldingu.

Takk fyrir mig, skýrsla og viðtöl væntanleg seinna í dag.

Birkir vinnur boltann og dettur einn í gegn en setur hann framhjá.

Róbert Agnar á skot rétt yfir eftir klafs í teignum

Afturelding liggja á Vestramönnum þessa stundina.

Birkir skellir sér í tæklingu á gulu spjaldi sem dómarinn flautar á, þetta var hættulegt.

Afturelding taka horn á nær, Aron Elí vinnur skalla á nær stönginni og flikkar honum á fjær á Joacim Holtan sem er í dauðafæri en Marvin ver frábærlega frá honum.

Albin Mörfelt með enn einn sprettinn upp og sendingu fyrir sem Georg Bjarnason rétt nær að komast fyrir áður en Duah nær skoti á markið.

Albin Mörfelt með góða takta á kantinum og kemur með fyrirgjöf á fjær á Duah sem nær að pota í boltan og setur hann á markið en Aron ver.

Vestri vinnur boltan og leggja af stað í skyndisókn, Duah á sprett upp og sendir boltan fyrir á Breka sem á skot sem Arnar Daði ver frábærlega, eftir það berst boltinn á Þórð sem nær ekki að koma á markið.

Afturelding eru að halda mikið í boltann og eru með yfirhöndina.

Afturelding fá horn.

Léleg útfærsla á stuttu horni.

Bjartur Brimi á skot rétt framhjá.

Það er aðeins að lifna við þessum leik.

Guðmundur Arnar með hættulegt skot rétt framhjá

Vestri í góðri sókn sem endar á skoti frá Elmari á vítateigslínunni sem Aron Elí kemst fyrir og Arnar Daði handsamar.

Vonandi fáum við mörk í þennan seinni hálfleik.

Hálfleikstölur hér á Ísafirði 0-0

Ekkert færi komið í leikinn og eitt skot á mark.

Breki reynir skot frá miðju, en það var langt frá marki.

Guðmundur Arnar með bjartsýnisskot lengst utan að velli, sem fór framhjá.

Birkir Már með skot langt framhjá.

Bart Kooistra með hættulegan bolta fyrir en engin leikmaður Aftureldingar mættur inn á teig.

Vestri fá sitt fyrsta horn.

Vestri taka það stutt, Gunnar Jónas sendir boltan fyrir en hann er slakur.

Afturelding fá fyrstu hornspyrnu leiksins.

Þeir brjóta á Marvin og fá ekkert úr þessari spyrnu.

Afturelding með yfirhöndina þessa stundina en skapa sér lítið sem ekkert.

En ekkert færi komið í þennan leik, vonandi færist fljótlega fjör í leikinn.

Leikurinn hefur verið mjög jafn fyrstu 10 mínúturnar.

Birkir Már spilar á hægri kanti í dag eins og hann gerði gegn Stjörnunni, spurning hvort hann eigi aftur jafn góðan leik og síðast.

Fyrsta skot leiksins kemur frá Andi Hoti og það fer langt yfir.

Joacim Holtan sparkar þessum risa leik í gang.

Liðin koma hér inn á völlinn í tveimur prýðilegum línum og takast í hendur.

Bæði lið halda sínum liðum óbreyttum frá síðustu leikjum.

Vestri fengu Ægi í heimsókn á Þjóðhátíðardeginum núna í vikunni og unnu þar 3-2 sigur með mörkum frá Guðmundi Arnar Svavarssyni, Ibrahima Balde og Þórði Gunnari Hafþórssyni.



Afturelding gerir ekki neinar breytingar á sínu liði eftir bikarsigurinn á Stjörnunni í síðustu viku. Cogic bræðurnir Elmar og Enes Þór eru báðir utan hóps í dag, en þeir voru í hóp gegn Stjörnunni og komu ekki við sögu.

Afturelding hafa verið virkilega sterkir það sem af er tímabili, þeir byrjuðu brösulega í fyrstu tveimur leikjunum en eftir það hafa þeir verið á góðri siglingu. Í síðustu umferð fóru þeir í Kórinn og töpuðu 2-1 fyrir HK en voru líklega snöggir að gleyma því eftir að hafa unnið Stjörnuna 3-1 í stórskemmtilegum leik í Mósó í síðustu viku þar sem Megaviku-Birkir setti tvö og kom þeim í undarúrslit Mjólkurbikarsins í fyrsta sinn í sögu félagsins. Það verður spennandi að sjá hvernig Afturelding koma inn í þennan leik eftir stórleikinn í síðustu viku.

Gengi Vestra hefur verið mikið upp og niður og það hefur verið erfitt að lesa í frammistöður liðsins. Þeir fara átt erftitt með að halda stöðuleika í deildinni og vilja ná að gegninu stöðugu og góðu. Vestri eru á ágætis siglingu og hafa unnið þrjá af síðustu fjórum leikjum. Vestri sitja í 4. sæti Lengjudeildarinnar með 16 stig þegar 10. umferðin á sér stað en þeir hafa spilað leik meira en hin liðið í deildinni.

Skagamaðurinn Andri Júlíusson, sem þjálfaði Kára síðustu ár, spáir í leikina að þessu sinni.

Vestri 1 - 1 Afturelding (14:00 á sunnudag)
Vestri verið að ná vopnum sínum og með 3 sigra í síðustu 4 en Vindurinn að fara vestur og þó það sé ekki megavika þá skorar hann þar og Breki Þór jafnar fyrir Vestramenn.

Dómari leiksins í dag er Arnar Ingi Ingvarsson og aðstoðarmenn hans eru þeir Kristofer Bergmann og Breki Sigurðsson. Eftirlitsmaður KSÍ er Jón Magnús Guðjónsson.

Komið þið sæl og blessuð og verið velkomin í beina textalýsingu á leik Vestra og Aftureldingar frá Kerecis-vellinum á Ísafirði. Leikurinn er partur af 10. umferð Lengjudeildarinnar og byrjar á slaginu 14:00.