Gestaliðið í kvöld hefur verið á fínasta skriði. Keflavík eru í 5.sæti með 19stig eftir 15.umferðir. Efstu fjögur liðin eru að ná smá bili á restina af deildinni en Keflavík eru eflaust sáttur meðan þeir sitja í efri hlutanum.
Þeir koma í þennan leik eftir mjög sterkan 5-2 sigur á ÍA. Þorlákur Breki Baxter, Stefan Ljubicic, Muhamed Alghoul skoruðu, síðan var Eiður Orri Ragnarsson með tvennu, en Víkingur keypti hann í sumar og spilar hann á láni restina af tímabilinu.
Það er ekki við öðru að búast en að Keflavík mæti stórir til leiks hér í kvöld, sigur Þórs á Víking væntanlega gefið öðrum liðum von um góð úrslit gegn Víkingsliðinu. Einnig er kvöldið í kvöld möguleiki til að hefna fyrir fyrri leik liðanna þar sem Keflavík tapaði 3-1 á heimavelli.

Það er heldur betur nóg um að vera hjá heimaliðinu um þessar mundir. Bullandi Evrópuverkefni og halda vel í toppsæti Bestu Deildarinnar. Þessi leikur er einmitt á milli Evrópuleiks við Hapoel frá Ísrael. Nóg af því, í síðasta leik Víkings í Bestu Deildinni kom fyrsta tapið á tímabilinu. Botnlið Þórs nýtti sér miklar róteringar á hóp Víkings og nýju andlitin hjá Þór skiluðu 2-1 sigri. Eina mark Víkings skoraði Daði Berg Jónsson sem er mættur aftur eftir meiðsli.
Þrátt fyrir tapið ættu ekki að vera neinar áhyggjur hjá Víking, þeir eru á toppnum með 40stig og eiga þennan leik í kvöld til góða á KR sem eru í 2.sæti með 35stig úr 16 leikjum. Við meigum eflaust aftur búast við einhverjum hreyfingum í byrjunarliðinu þar sem ferðalag til Ungverjalands og seinni leikurinn við Hapoel er framundan.

Gunnar Oddur Hafliðason er á flautunni
Aðstoðardómararnir eru Guðmundur Ingi Bjarnason og Kristofer Bergmann
Fjórði dómarinn er Brynjar Þór Elvarsson
Dómaraeftirlitsmaður er Jón Sigurjónsson

Hjartanlega velkomin í þráðbeina textalýsingu frá Hamingjunni.
Hér á Víkingsvellinum kl. 20:00 mun leikur Víkings og Keflavíkur fara fram.