Fotbolti.net
01.06.21 - 18:46
Brynjar Ingi Erluson

Diego farinn frá Real Oviedo (Staðfest)

Diego Jóhannesson kveður Oviedo

Diego Jóhannesson kveður Oviedo

Canon

Mynd: Getty Images

Íslenski hægri bakvörðurinn Diego Jóhannesson er farinn frá Real Oviedo en hann kveður félagið með tilkynningu á Twitter.
Diego er 27 ára gamall og uppalinn á Spáni en faðir hans er íslenskur.

Hann komst fyrst í fréttirnar árið 2014 þegar Fótbolti.net hafði samband við Diego sem hafði þá verið að spila glimrandi vel með Oviedo. Í kjölfarið var kallað eftir því að hann yrði tekinn inn í íslenska landsliðið sem varð svo að veruleika tæpum tveimur árum síðar.

Diego hefur leikið þrisvar sinnum fyrir íslenska landsliðið en hann spilaði síðast með liðinuí nóvember árið 2017.

Meiðsli hafa sett strik í reikninginn á tíma hans hjá Oviedo og fékk hann afar fá tækifæri til að sanna sig á tímabilinu sem var að klárast.

Diego kveður félagið eftir tíu ára veru þar. Á þessum tíu árum spilaði hann 135 leiki, gerði 7 mörk og lagði upp 9.

Hann er frjáls ferða sinna og leitar sér að nýju liði en það er líklegast að hann verði áfram í spænsku B-deildinni.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.