Manchester United undirbýr nú tilboð í argentínska varnarmanninn Lisandro Martinez en hann er á mála hjá AJax í Hollandi. David Ornstein hjá Athletic og Fabrizio Romano segja frá þessu í kvöld
United er að ganga frá kaupum á hollenska vinstri bakverðinum Tyrell Malacia frá Feyenoord en hann verður kynntur hjá félaginu á næstu dögum.
Erik ten Hag, stjóri United, er að vinna í því að fá annan varnarmann úr hollensku deildinni en fyrrum lærisveinn hans hjá Ajax er efstur á óskalistanum.
Ornstein segir frá því að United sé í viðræðum við Ajax um kaup á Martinez, en sé ekki búið að leggja fram formlegt tilboð. Þá tekur Romano undir þessi orð og segir að félagið sé að undirbúa tilboðið.
Ten Hag vill að minnsta kosti fimm leikmenn inn í sumar en félagið er einnig í viðræðum við Christian Eriksen, Frenkie de Jong og þá hefur brasilíski vængmaðurinn Antony verið orðaður við félagið.
Athugasemdir