Sead Kolasinac, leikmaður Arsenal, er sagður vera að reyna að fá samningi sínum við enska félagið rift.

Kolasinac er 28 ára gamall bakvörður en hann lék með Schalke í Þýskalandi á láni á síðustu leiktíð þar sem illa gekk.

Arsenal hefur keypt Nuno Tavares frá Benfica í sumar og spilar hann í vinstri bakverði líkt og Kolasinac.

Kolasinac hefur ekki trú á því að hann fái að spila í vetur og vonast til að Arsenal hleypi honum annað á frjálsri sölu.

Ef það tekst þá mun Kolasinac líklega semja við Fenerbahce og spila á ný með Mesut Özil sem er í herbúðum liðsins.

Arsenal gæti íhugað þessa lausn en Kolasinac fær um 100 þúsund pund í laun á viku.