HK fékk Fram í heimsókn í Kórinn fyrr í kvöld, leikar enduðu með 1-0 sigri heimamanna, mark HK skoraði Þorsteinn Aron Antonsson undir lok leiks. Með sigrinum komu HK sér úr fallsæti. Markaskorarinn kom í viðtal eftir leik.
Lestu um leikinn: HK 1 - 0 Fram
„Það er fátt skemmtilegra en að vinna 1-0 og halda hreinu. Þetta er í fyrsta skipti sem við höldum hreinu í meira en ár, mjög sætt."
Framarar fengu vítaspyrnu undir lok fyrri hálfleiks eftir að boltinn fór í hendina á Þorsteini í teig HK.
„Tilfinningin var geðveik, sérstaklega eftir að hafa fengið þetta víti á sig. Þótt mér fannst þetta aldrei vera víti, mér fannst ég vera með hendurnar alveg upp við líkamann."
„Ég held að liðsheildin hafi silgt þessu heim. Þetta gefur okkur sjálfstraust inn í úrslitakeppnina og næsta leik gegn Blikum.
Við bíðum spenntir eftir þeim leik, HK hefur sýnt að þeir kunni að vinna Blika og gert það oft undanfarið."
Viðtalið má sjá í heild sinni í spilaranum hér að ofan.
Athugasemdir
