Fernandez-Pardo hefur lokið læknisskoðun hjá Newcastle

Belgíski framherjinn Matias Fernandez-Pardo hefur lokið læknisskoðun sinni hjá Newcastle og er á leið til félagsins frá franska félaginu Lille.

Læknateymið hjá félaginu vann fram á mánudagskvöld til að tryggja að allt yrði frágengið fyrir gluggadaginn.

Newcastle greiðir Lille 51 milljón punda fyrir framherjann.

Fernandez-Pardo getur bæði spilað sem fremsti maður og á kantinum. Hann hefur skorað tólf mörk í 71 leik og verið liðsfélagi Hákonar Arnars Haraldssonar hjá Lille síðan 2024.

Þetta verður önnur stóra salan hjá Lille í sumar því Ayyoub Bouaddi fór til Manchester City á um 86 milljónir punda fyrr í glugganum.