Como fær ítalskan landsliðsmann (Staðfest)

Ungt lið Como gerði frábæra hluti og tókst að halda sínum bestu mönnum innan félagsins á meðan aðrir réru á ný mið. Sergi Roberto, Alberto Moreno, Álvaro Morata og Mergim Vojvoda eru meðal leikmanna sem hafa yfirgefið félagið en nýir menn eru komnir inn í staðinn, þar á meðal ítalski landsliðsmaðurinn Samuele Ricci.

Ricci er miðjumaður sem gerði frábæra hluti með Torino og vann sér inn sæti í ítalska landsliðinu áður en hann var keyptur til AC Milan í fyrrasumar. Þar tókst honum ekki að vinna sér inn sæti í byrjunarliðinu og kemur til Como á lánssamningi með kaupmöguleika.

Como borgar 1,5 milljón evra til að fá Ricci á láni og getur keypt hann fyrir 22 milljónir til viðbótar. Það er svipað verð og Milan greiddi fyrir Ricci í fyrra.

Ricci er níundi leikmaðurinn sem gengur til liðs við Como á annríku sumri. Trevoh Chalobah var keyptur úr röðum Chelsea og auk þeirra eru Mattia Liberali, Luis Milla, Willy Kambwala, Yan Couto og Kaiki meðal nýrra leikmanna liðsins.

Como 1907 is delighted to announce the signing of Italian international midfielder Samuele Ricci from @acmilan on loan until the end of the 2026/27 season, with an option to make the move permanent.

Official statement ?? https://t.co/tZcsDKtTyp pic.twitter.com/71jVYZCKZN

— Como1907 (@Como_1907) August 29, 2026