Palace reynir að stela Fofana af Sunderland

Útlit var fyrir að Malick Fofana yrði kynntur sem nýr leikmaður Sunderland síðar í dag.

Þessi 21 árs gamli kantmaður fékk leyfi frá Lyon til að ferðast til Englands þar sem hann átti að gangast undir læknisskoðun hjá Sunderland.

Nú er óvíst hvort að hann endi hjá félaginu því Crystal Palace hefur sýnt Fofana áhuga og vill félagið reyna að stela honum frá Sunderland fyrir gluggalok.

Sunderland var sagt borga um 30 milljónir punda fyrir leikmanninn en Arsenal hafði jafnframt sýnt honum áhuga.