Hvað þurfa liðin að gera til að komast í 16-liða úrslit?

F-riðill:

Króatía tryggir sér áfram með því að forðast tap gegn Belgíu. Ef Króatía tapar kemst liðið áfram ef Marokkó tapar líka. Ef Króatía tapar kemst liðið áfram ef báðir leikir vinnast með jafn miklum mun.

Marokkó er öruggt áfram ef liðið forðast tap gegn Kanada. Marokkó kemst áfram þrátt fyrir tap ef Króatía vinnur.

Belgía er öruggt áfram með sigri. Jafntefli dugar ef Marokkó tapar.

Kanada er úr leik.

E-riðill:

Spánn þarf að minnsta kosti stig gegn Japan til að vera öruggt áfram. Spánn kemst áfram þrátt fyrir tap ef Kosta Ríka og Þýskaland gera jafntefli. Ef Spánn tapar og Þýskaland vinnur ræður markatalan úrslitum og þar eru Spánverjar með pálmann í höndunum.

Japan er öruggt áfram með sigri. Ef Japan og Spánn gera jafntefli er Japan bara öruggt áfram ef hinn leikurinn endar líka með jafntefli. Ef Japan gerir jafntefli en Kosta Ríka vinnur þá kemst japanska liðið ekki áfram. Ef Japan gerir jafnefli og Þýskaland vinnur þá ræður markatalan úrslitum.

Kosta Ríka er öruggt áfram með sigri. Ef Kosta Ríka gerir jafntefli kemst liðið áfram ef Spánn vinnur Japan. Ef báðir leikir enda með jafntefli mun Kosta Ríka sitja eftir.

Þýskaland verður að vinna til að eiga möguleika á því að komast áfram. Ef Þýskaland vinnur en Spánn tapar ráðast úrslit á markatölu og þar eru Spánverjar í bílstjórasætinu. Ef Þýskaland vinnur en Spánn gerir jafntefli við Japan þá ráðast úrslit á markatölu.