Brescia og Cosenza áttust við í ítölsku B-deildinni í kvöld en spilað var í 26. umferð deildarinnar.
Birkir Bjarnason og Hólmbert Aron Friðjónsson byrjuðu báðir á varamannabekk Brescia í dag.
Birkir kom hins vegar inn af bekknum strax í hálfleik fyrir Nikolas Spalek og það tók hann ekki langan tíma að stimpla sig inn í leikinn.
Birkir kom heimamönnum í forystu strax á 49. mínútu eftir undirbúning frá Filip Jagiello. Florian Aye gulltryggði síðan sigur heimamanna seinna í leiknum.
Hólmbert spilaði fimmtán mínútur í kvöld og þá fékk Birkir gult spjald undir loks leiks. Brescia er núna í þrettánda sæti deildarinnar og spurning hvort gengi liðsins fari nú batnandi.
Athugasemdir
