Fotbolti.net
02.06.21 - 07:00
Ívan Guðjón Baldursson

Man City kaupir 13 ára strák frá Stevenage (Staðfest)

Drake og Willian í tónlistarmyndbandinu.

Drake og Willian í tónlistarmyndbandinu.

Canon

Mynd: Youtube myndband

Manchester City er búið að tryggja sér hinn 13 ára gamla Leke Drake sem kemur frá D-deildarliði Stevenage. Drake vann sér það til frægðar sumarið 2018 að vera partur af opinberu tónlistarmyndbandi fyrir HM sem var haldið í Rússlandi.
Englandsmeistararnir eru taldir greiða 400 þúsund pund fyrir Drake og hefur sú upphæð vakið athygli. Stjórnendur Stevenage eru himinlifandi enda getur slík upphæð hjálpað gífurlega mikið í rekstri félagsins.

Hinn bráðefnilegi Drake mun flytja til Manchester í sumar en það voru fleiri úrvalsdeildarfélög sem sýndu honum áhuga.

Stjórn Stevenage er himinlifandi með félagaskiptin og tækifærið sem táningurinn fær í Manchester. Þar mun Drake æfa við bestu mögulegu aðstæður til að reyna að ná því besta úr sjálfum sér.

Stevenage endaði í 14. sæti D-deildarinnar á nýliðnu tímabili.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.