Primo skoraði sex mörk í 34 leikjum í spænsku C-deildinni á nýliðnu tímabili með liði Gimnastic Torrelavega.

Grindavík hefur einungis skorað sjö mörk í tíu leikjum í Pepsi Max-deildinni í sumar og félagið hefur verið í leit að liðsstyrk fram á við.

Framherjinn Patrick N'Koyi er farinn frá Grindavík auk þess sem kantmaðurinn Rene Joensen gekk í raðir HB í Færeyjum. Auk Primo má búast við að Grindvíkingar bæti við fleiri mönnum í þessum mánuði.

Primo getur spilað sinn fyrsta leik með Grindavík þegar liðið mætir Stjörnunni á föstudaginn.

Primo er mættur í Draumaliðsdeild Eyjabita. Kemst hann í þitt lið?