Hafsteinn Gísli Valdimarsson (KFS)
Leikmenn KFS fagna eftir frækinn bikarsigur gegn Víkingi Ólafsvík á dögunum.
Hafsteinn Gísli Valdimarsson, leikmaður KFS, er leikmaður níundu umferð 3. deildar karla að mati Ástríðunnar.
Hann átti stórgóðan leik þegar KFS vann óvæntan sigur gegn Ægi í Þorlákshöfn.
„Hann spilaði með KFS og bar þar fyrirliðabandið. Hann er bara vel að þessu kominn, er það ekki?" spurði Sverrir Mar Smárason.
„Hann fer fyrir sínu liði í þessari upprúllun á Ægi. Þeir spiluðu frábæran leik. Hann er djúpur á miðjunni að djöflast og tarfast. Þetta er ekki besti fótboltamaðurinn en það sem hann gefur liðinu aukalega er nærvera og hann er ósérhlífinn," sagði Sverrir.
„Ég heyrði að hann hefði verið virkilega seigur í þessum leik... þessi tilnefning er tákn um sigurinn. Þetta eru stór úrslit, 0-1 í Þorlákshöfn. Hrós á alla Eyjamenn og vel gert hjá þem," sagði Gylfi Tryggvason.
Bestir í fyrri umferðum:
1. og 2. umferð: Hrannar Bogi Jónsson (Augnablik) og Benedikt Daríus Garðarsson (Elliði)
3. umferð: Stefan Spasic (Höttur/Huginn)
4. umferð: Bjartur Aðalbjörnsson (Einherji)
5. umferð: Breki Barkarson (Augnablik)
6. og 7. umferð. Raul Sanjuan Jorda (Tindastóll) og Benedikt Daríus Garðarsson (Elliði)
8. umferð: Cristofer Rolin (Ægir)
Athugasemdir
