Orri Hrafn spilaði fyrir aðallið Heerenveen

Orri Hrafn Kjartansson, fæddur 2002, spilaði sinn fyrsta leik fyrir aðallið Heerenveen á laugardaginn.

Heerenveen spilaði þá við NAC Breda á hollenska undirbúningstímabilinu og var staðan 0-0 þegar Orri Hrafn fékk að spreyta sig á 65. mínútu.

Finn Stokkers gerði svo eina mark leiksins á 89. mínútu og tryggði Breda sigurinn.

Orri Hrafn er uppalinn hjá Fylki og á 21 leik að baki fyrir yngri landslið Íslands.