Alfie Devine, yngsti leikmaður til að spila fyrir Tottenham frá upphafi, hefur skrifað undir sinn fyrsta atvinnumannasamning við félagið.
Þetta kom fram í tilkynningu Tottenham í gær en Devine fagnaði 17 ára afmæli sínu á sunnudaginn.
Devine varð yngsti leikmaðurinn til að spila fyrir Tottenham í janúar er liðið mætti Marine í enska bikarnum.
Ekki nóg með það heldur varð Devine um leið yngsti markaskorari Tottenham frá upphafi en hann skoraði í þessum 5-0 sigri.
Samningur leikmannsins gildir til ársins 2024 og er hann því samningsbundinn næstu þrjú árin.
Athugasemdir