Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   mið 02. desember 2020 06:00
Guðmundur Aðalsteinn Ásgeirsson
Brentton, Daniel og Rafa framlengja við Vestra
Lengjudeildin
Rafa verður áfram hjá Vestra.
Rafa verður áfram hjá Vestra.
Mynd: Fótbolti.net - Hafliði Breiðfjörð
Vestri, sem leikur í Lengjudeildinni, hefur framlengt við þrjá leikmenn sem verða áfram hjá félaginu.

Leikmennirnir sem um ræðir eru þeir Brentton Muhammad, Daniel Badu og Rafa Mendéz.

Brentton hefur verið hjá Vestra frá 2018 og er hluti af sterku markmannsteymi liðsins ásamt Robert Blakala. Brentton hefur einnig spilað með Ægi og Tindastóli hér á landi.

Daniel er fjölhæfur enskur leikmaður sem hefur leikið með Vestra frá 2015. Hann hefur verið hér á landi í tíu ár og einnig spilað með Njarðvík og Magna hér á landi.

Rafa kom til Vestra fyrir síðustu leiktíð og stóð sig gríðarlega vel í hægri bakverðinum. Hann spilaði 20 leiki á síðasta tímabili og skoraði í þeim eitt glæsilegt mark.

Vestri hafnaði í sjöunda sæti Lengjudeildarinnar á síðustu leiktíð. Bjarni Jóhannsson hætti sem þjálfari liðsins eftir tímabilið og Heiðar Birnir Torleifsson tók við.
Athugasemdir
banner
banner
banner