Íslenski landsliðsmaðurinn Jón Dagur Þorsteinsson og hans menn í Leuven í Belgíu töpuðu fimmta deildarleiknum í röð í kvöld er liðið heimsótti belgíska meistaraliðið Antwerp heim.
Jón Dagur var í byrjunarliði Leuven í leiknum og spilaði rúman klukkutíma áður en honum var skipt af velli.
Leuven hefur gengið herfilega í síðustu leikjum en þetta var fimmta tapið í röð.
Þjálfarinn Marc Brys var rekinn í október og tók Oscar Garcia við í byrjun nóvember, en honum hefur gengið erfiðlega að snúa gengi Leuven við.
Liðið er í 14. sæti með aðeins 12 stig, þremur stigum á eftir Íslendingaliði Eupen.
Athugasemdir
