Það er óvíst hvort Thomas Partey geti spilað með Arsenal gegn Everton í ensku úrvalsdeildinni um helgina.
Mikel Arteta, stjóri Arsenal, greindi frá því á fréttamannafundi að það væri óvíst hvort miðjumaðurinn gæti spilað sökum meiðsla.
Partey þurfti að fara meiddur af velli í hálfleik gegn Manchester City í FA-bikarnum síðasta föstudag.
„Við verðum að sjá hvernig hann verður á æfingasvæðinu í dag. Við eigum eftir að taka ákvörðun með þetta. Meiðslin eru ekki mjög alvarleg," sagði Arteta.
Ef Partey missir af leiknum þá eru góðar líkur á því að Jorginho, sem var keyptur til Arsenal á gluggadeginum, muni koma inn í byrjunarliðið.
Arteta sagði jafnframt frá því á fundinum Emile Smith Rowe væri meiddur og gæti ekki spilað gegn Everton.
Athugasemdir