mið 03. mars 2021 11:00
Magnús Már Einarsson
Liverpool og Chelsea endurheimta menn fyrir risaleik
Fabinho verður klár á morgun.
Fabinho verður klár á morgun.
Mynd: Getty Images
Liverpool og Chelsea mætast á Anfield annað kvöld í risaleik í baráttunni um Meistaradeildarsæti. Liverpool hefur fengið góðar fréttir þar sem Fabinho, Alisson og Diogo Jota verða væntanlega allir klárir í leikinn á morgun.

Alisson var ekki með gegn Sheffield United á sunnudag eftir að faðir hans lést í síðustu viku. Fabinho hefur misst af síðustu leikjum vegna meiðsla og Jota hefur ekker spilað síðan í desember.

Jota byrjaði að æfa á ný í síðustu viku en hann var veikur gegn Sheffield United á sunnudag. Vonir standa til að hann spili á morgun.

Hjá Chelsea er Thiago Silva byrjaður að æfa á fullu eftir að hafa verið frá keppni síðan í byrjun síðasta mánaðar.

Þá æfði Callum Hudson-Odoi í gær þrátt fyrir að hann hafi farið meiddur af velli í hálfleik gegn Manchester United um helgina.
Athugasemdir
banner
banner
banner