Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   sun 03. júní 2018 22:39
Guðmundur Aðalsteinn Ásgeirsson
Blikar náð í tvö stig af síðustu 12 - Samt á toppnum
Ótrúleg byrjun á Pepsi-deild karla
Blikar eru enn á toppnum.
Blikar eru enn á toppnum.
Mynd: Fótbolti.net - Hafliði Breiðfjörð
Pepsi-deildin 2018 byrjar hreint út sagt ótrúlega. Sjaldan ef aldrei hefur verið eins mjótt á munum í byrjun móts.

Á þessum sunnudegi sigraði Stjarnan Breiðablik, ÍBV vann KR og KA kláraði Víking Reykjavík.

Eftir leiki dagsins munar aðeins þremur stigum á liðinu í fyrsta sæti, Breiðablik, og liðinu í tíunda sæti, Fylki. Það ber þó að nefna það að sex lið eru búin með sjö leiki og sex lið eru búin með sex leiki. Samt verður þetta að teljast ótrúlegt.

Breiðablik er aðeins búið að ná í tvö stig af síðustu 12 mögulegum. Samt er Kópavogsliðið enn á toppi deildarinnar. FH, Valur, Fjölnir, Fylkir og Grindavík eiga möguleika á því að taka toppsætið á morgun.

Leikirnir á morgun:
19:15 Fjölnir-Valur (Extra völlurinn)
19:15 FH-Keflavík (Kaplakrikavöllur)
19:15 Grindavík-Fylkir (Grindavíkurvöllur)



Athugasemdir
banner
banner
banner
banner