Fotbolti.net
03.07.19 - 18:17
Elvar Geir Magnússon

Joao Felix til Atletico Madrid (Staðfest)

Joao Felix.

Joao Felix.

Canon

Mynd: Getty Images

Joao Felix er orðinn leikmaður Atletico Madrid en spænska félagið staðfesti það rétt í þessu. Þessi 19 ára portúgalski landsliðsmaður kemur frá Benfica og er orðinn dýrasti Portúgali sögunnar.

Felix er keyptur á 107 milljónir punda en hann hefur verið orðaður við mörg af stærstu félögum Evrópu, þar á meðal Manchester City, Juventus, Barcelona og Real Madrid.

Hann er dýrasti leikmaður Atletico í sögunni en Diego Simeone, stjóri liðsins, lagði mikla áherslu á að fá hann í sínar raðir.

Franski sóknarmaðurinn Antoine Griezmann er að öllum líkindum á leið frá Atletico en hann hefur verið sterklega orðaður við Barcelona.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.