Jesse Marsch var ekki kátur með dómgæsluna í 5-2 tapi Leeds United gegn Brentford í ensku úrvalsdeildinni í dag.
Marsch, bandarískur knattspyrnustjóri Leeds, fékk beint rautt spjald fyrir mótmæli sín þegar hann vildi fá dæmda vítaspyrnu í stöðunni 3-1. Þá fékk Brentford vítaspyrnu í fyrri hálfleik sem Marsch var ósáttur með.
„Við erum með frábæran leikmannahóp hérna og munum halda áfram okkar vinnu þrátt fyrir þetta tap. Við munum læra af þessu," sagði Marsch að leikslokum og svaraði svo spurningum um rauða spjaldið.
„Ég var sallarólegur þegar þeir gáfu vítaspyrnu fyrir atvik sem mér fannst ekki réttlátt í fyrri hálfleik. Það er vegna þess að atvikið var ekki augljóst og þá er hægt að leyfa dómaranum að njóta vafans.
„Þegar komið var á hinn enda vallarins þá voru þetta augljóslega dómaramistök og átti VAR að grípa inn í. VAR var búið að gefa eina ódýra vítaspyrnu í leiknum þannig að mér finnst furðulegt að það hafi ekki verið dæmt þegar við vorum í sókn. Það var talsvert augljósari vítaspyrna heldur en sú sem Brentford fékk. Þetta er ástæðan fyrir pirringnum."
Marsch hélt áfram og talaði um að hann sé ekki viss um hvert hann eigi að snúa sér til að kvarta undan því sem átti sér stað.
„Ég hefði getað hegðað mér betur þegar þetta átti sér stað en núna veit ég ekki hvað ég á að gera í þessari stöðu. Ég veit ekki hvort ég eigi að tala við úrvalsdeildina um þetta eða dómarasambandið vegna þess að þetta er ekki réttmæt dómgæsla. Dómgæslan á tímabilinu hefur ekki verið í samræmi við það sem okkur var sagt á þjálfarafundi fyrir upphaf tímabilsins.
„Ég var rólegur allan leikinn þar til þetta atvik átti sér stað. Ég vil aldrei sýna dómurum eða neinum öðrum vanvirðingu en ég veit ekki hvernig ég á að haga mér þegar ég finn fyrir vanvirðingu koma úr hinni áttinni. Ég veit ekki hvað ég á að gera í þessu."
Leeds er að spila skemmtilegan fótbolta undir Marsch og er með átta stig eftir sex umferðir.
Sjá einnig:
Sjáðu atvikin: Fáránlegar ákvarðanir í Newcastle og London
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 35 | 23 | 7 | 5 | 67 | 26 | +41 | 76 |
| 2 | Man City | 34 | 21 | 8 | 5 | 69 | 32 | +37 | 71 |
| 3 | Man Utd | 35 | 18 | 10 | 7 | 63 | 48 | +15 | 64 |
| 4 | Liverpool | 35 | 17 | 7 | 11 | 59 | 47 | +12 | 58 |
| 5 | Aston Villa | 35 | 17 | 7 | 11 | 48 | 44 | +4 | 58 |
| 6 | Bournemouth | 35 | 12 | 16 | 7 | 55 | 52 | +3 | 52 |
| 7 | Brentford | 35 | 14 | 9 | 12 | 52 | 46 | +6 | 51 |
| 8 | Brighton | 35 | 13 | 11 | 11 | 49 | 42 | +7 | 50 |
| 9 | Chelsea | 35 | 13 | 9 | 13 | 54 | 48 | +6 | 48 |
| 10 | Everton | 35 | 13 | 9 | 13 | 44 | 44 | 0 | 48 |
| 11 | Fulham | 35 | 14 | 6 | 15 | 44 | 49 | -5 | 48 |
| 12 | Sunderland | 35 | 12 | 11 | 12 | 37 | 46 | -9 | 47 |
| 13 | Newcastle | 35 | 13 | 6 | 16 | 49 | 51 | -2 | 45 |
| 14 | Leeds | 35 | 10 | 13 | 12 | 47 | 52 | -5 | 43 |
| 15 | Crystal Palace | 34 | 11 | 10 | 13 | 36 | 42 | -6 | 43 |
| 16 | Nott. Forest | 35 | 11 | 9 | 15 | 44 | 46 | -2 | 42 |
| 17 | Tottenham | 35 | 9 | 10 | 16 | 45 | 54 | -9 | 37 |
| 18 | West Ham | 35 | 9 | 9 | 17 | 42 | 61 | -19 | 36 |
| 19 | Burnley | 35 | 4 | 8 | 23 | 35 | 71 | -36 | 20 |
| 20 | Wolves | 35 | 3 | 9 | 23 | 25 | 63 | -38 | 18 |
