Fjórða tapið í röð hjá Heiðu

Eskilstuna tryggði sér sæti í riðlakeppni sænska bikarsins en hefur átt erfitt uppdráttar í deildinni að undanförnu. Heiða og stöllur hennar töpuðu fjórða deildarleiknum í röð og eru nú í áttunda sæti með 27 stig, níu stigum frá fallsæti.

Sigdís Eva Bárðardóttir sat allan tímann á bekknum hjá Norrköping sem gerði 1-1 jafntefli við Piteå. Norrköping er í næstneðsta sæti með 17 stig.

Birta Georgsdóttir kom heldur ekki við sögu hjá Parma sem tapaði 2-1 fyrir Ternana. Parma er í áttunda sæti með eitt stig eftir tvær umferðir.