Fyrrum enski landsliðsmaðurinn, Alan Shearer, gat varla lýst því með orðum er Cristiano Ronaldo fór yfir 800 marka múrinn í gær en hann er fyrsti leikmaðurinn í sögunni sem nær þeim áfanga.
Ronaldo skoraði tvívegis í 3-2 sigrinum á Arsenal og er nú kominn með 801 mark í öllum keppnum bæði félagsliði og landsliði.
Hann er eini leikmaðurinn í sögunni sem hefur náð þeim merka áfanga en brasilíska goðsögnin Pele skoraði 765 mörk á ferli sínum og þá er Lionel Messi með 756 mörk.
Shearer var sjálfur iðinn við kolann á sínum ferli og skoraði 409 mörk en hann gat ekki annað en hrósað Ronaldo í gær.
„Maður verður bara að sitja þarna og segja 'Vá' og klappa fyrir honum," sagði Shearer á Amazon Prime Video.
Athugasemdir