Hákon Arnar Haraldsson skoraði síðasta markið í 4-1 sigri FC Kaupmannahafnar gegn Elfsborg í Atlantic Cup æfingamótinu í dag.
Hákon Rafn Valdimarsson byrjaði á milli stanganna hjá Elfsborg og átti fínan fyrri hálfleik en Elfsborg skipti um markvörð í leikhlé, í stöðunni 1-0 fyrir Kaupmannahöfn eftir mark frá Andreas Cornelius.
Elfsborg jafnaði snemma í síðari hálfleik en eftir það átti Kaupmannahöfn eftir að skora úr öllum marktilraunum sínum sem hæfðu rammann og urðu lokatölur 4-1. Diogo Goncalves skoraði tvö áður en Hákon Arnar kláraði dæmið.
Sveinn Aron Guðjohnsen kom inn í leikhlé í liði Elfsborg og fékk Ísak Bergmann Jóhannesson síðustu tíu mínúturnar hjá FCK. Ísaki var skipt inn fyrir æskuvin sinn Hákon Arnar.
Kaupmannahöfn 4 - 1 Elfsborg
1-0 Andreas Cornelius ('42)
1-1 J. Okkels ('53)
2-1 Diogo Goncalves ('61)
3-1 Diogo Goncalves ('72, víti)
4-1 Hákon Arnar Haraldsson ('79)
Andri Lucas Guðjohnsen kom þá inn af bekknum og skoraði tvennu í 2-3 tapi Norrköping gegn Silkeborg í æfingaleik.
Arnór Sigurðsson og Arnór Ingvi Traustason voru í byrjunarliði Norrköping, með Ara Frey Skúlason og Oliver Stefánsson á bekknum á meðan Stefán Teitur Þórðarson byrjaði í liði Silkeborg.
Það voru nokkrir aðrir Íslendingar sem komu við sögu í æfingaleikjum dagsins í karlaflokki og má sjá helstu úrslit dagsins hér fyrir neðan.
Norrköping 2 - 3 Silkeborg
0-1 T. Adamsen ('14)
1-1 Andri Lucas Guðjohnsen ('62)
1-2 S. Jörgensen ('69)
1-3 S. Tengstedt ('81)
2-3 Andri Lucas Guðjohnsen ('83)
Varnamo 2 - 0 Trelleborg
Hammarby 3 - 5 Brann
SönderjyskE 0 - 2 Landskrona
Öster 2 - 1 Skovde AIK
Brage 1 - 1 Örebro
GAIS 2 - 1 Varberg
