Nýjasti leikmaður liðsins heitir Vidmar Miha og er vinstri kantmaður frá Ljubljana í Slóveníu.

Hann er 22 ára gamall og á hann nokkra leiki í úrvalsdeildunum í Slóveníu og Bosníu. Einnig á hann leiki í næst efstu deild Slóveníu að baki. Síðast var hann á mála hjá NK Krka sem hafnaði í fjórða sæti næst efstu deildar Slóveníu.

Víkingur Ólafsvík er sem stendur í sjöunda sæti Inkasso-deildarinnar. Liðið komst um tíma á topp deildarinnar, en gengi liðsins í síðustu leikjum hefur ekki verið gott.

Næsti leikur Ólsara er á heimavelli gegn Aftureldingu annað kvöld.