Æfingaleikur: Haukar skoruðu níu

Haukar mættu Reyni Sandgerði í æfingaleik í gær og skópu stórsigur gegn andstæðingum sínum.

Haukar gerðu sér lítið fyrir og skoruðu níu mörk í stórsigri, þar sem Djordje Biberdzic var atkvæðamestur með þrennu.

Alexander Aron Tómasson, Haukur Darri Pálsson og Theodór Ernir Geirsson skiptu hinum sex mörkunum á milli sín, þar sem þeir skoruðu tvennu hver.

Haukar leika í 2. deild í ár eftir að hafa endað um miðja deild í fyrra á meðan Reynir leikur í 3. deildinni eftir að hafa fallið úr 2. deild í fyrra.