mán 05. apríl 2021 23:00
Sæbjörn Þór Þórbergsson Steinke
Æfingaleikir: Gummi Tóta lagði upp - Bjarni Mark með klobba
Gummi Tóta
Gummi Tóta
Mynd: Getty Images
Guðmundur Þórarinsson var í byrjunarliði New York City FC þegar liðið vann æfingaleik gegn DC United í gær.

Gudi, eins og Guðmundur er oft kallaður, átti sendingu á Valentin Castellanos á 25. mínútu eftir laglega sókn. Castellanos kláraði með marki og stoðsendingin Guðmundar. Hana má sjá hér að neðan.

Leikar enduðu 2-1 fyrir New York og spilaði Guðmundur fyrstu 75 mínútur leiksins. MLS-deildin hefst eftir tæpar tvær vikur.

Bjarni Mark Antonsson spilaði þá fyrstu 64. mínúturnar í tapi Brage gegn Djurgarden. Brage er að undirbúa sig fyrir tímabilið í sænsku Superettan sem hefst um næstu helgi.

Bjarni var á sínum stað á miðjunni og átti að eigin sögn rosalegan klobba í leiknum - („En það er ekki frásögufærandi").

Sjá einnig:
„Enginn annar komist svona langt án þess að eiga alvöru landsleik"
Bjarni fylgdi lönguninni, flutti erlendis og vann sig upp í fótboltaheiminum - „Mjög hollt og lærdómsríkt"


Bjarni Mark


Athugasemdir
banner
banner
banner
banner
banner