Anna Rakel Pétursdóttir spilaði sinn fyrsta keppnisleik fyrir Val í kvöld. Þær rauðklæddu höfðu betur gegn Stjörnunni eftir erfiðan leik.
Anna Rakel átti stórleik fyrir Val þar sem hún tók hornspyrnuna sem varð að fyrsta markinu og skoraði svo sigurmarkið sjálf. Hún var klók að nýta sér varnarmistök og skoraði með hægri.
„Við vorum ekki að spila okkar besta leik og við vitum það. Það var margt sem við getum gert betur og erum strax orðnar spenntar fyrir næsta leik til að sýna hvað við getum," sagði Anna Rakel.
„Við tökum góðu hlutina með okkur í næsta leik og núna vitum við hvað við þurfum að bæta."
Val er spáð titilbaráttu við Breiðablik sem byrjaði tímabilið á 9-0 sigri.
„Við erum bara að hugsa um okkur og hvernig við ætlum að spila í dag og næsta leik. Það skiptir ekkert máli hvað aðrir gera ef við stöndum okkur ekki."
