Ótrúlega vel heppnuð kaup hjá Guardiola

Mynd: EPA

Síðasta sumar þá langaði Pep Guardiola að fá inn nýjan miðvörð í varnarlínu liðsins. Út á við virkaði hann ekki alveg sáttur með þá leikmenn sem spiluðu við hlið Aymeric Laporte.

Guardiola var með augastað á portúgölskum miðverði. Ruben Dias heitir sá og var mest spennandi leikmaður portúgölsku deildarinnar. Dias var í stóru hlutverki hjá Benfica en langaði að spila á stærra sviði.

Verðmiðinn á Dias var hár miðað við varnarmann en ekkert sem City réði ekki við, þrátt fyrir faradurinn. Í september náðu City og Benfica samkomulagi um að Dias færi til Manchester og Nicolas Otamendi færi til Benfica. Auk þess greiddi City um 54 milljónir evra fyrir miðvörðinn sem verður 24 ára seinna í mánuðinum.

Dias hefur blómstrað í liði City og verið einn allra besti leikmaður ensku úrvalsdeildarinnar á sinni fyrstu leiktíð. Málin hafa þó þróast á þá leið að hann spilar oftast við hlið John Stones í miðverðinum. Stones hefur stigið upp og leikið stærra hlutverk en menn bjuggust við, á kostnað Laporte.

Í gær héldu þeir Stones og Dias hreinu í undanúrslitaleik Meistaradeildarinnar gegn PSG. City vann leikinn 2-0 og leikur til úrslita seint í mánuðinum, Dias var valinn maður leiksins í gær fyrir frammistöðu sína.

Dias hefur leikið 29 leiki í úrvalsdeildinni og skorað eitt mark. City er langefst í deildinni og hefur þegar lyft deildabikarnum.

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0