Byrjunarlið Keflavíkur og KA: Alghoul ekki með eftir uppákomu á æfingu

Fótbolti.net fjallaði um það í síðustu viku að leikmaður Keflavíkur hefði nefbrotnað á æfingu liðsins eftir að hafa fengið högg í andlit frá liðsfélaga sínum. Samkvæmt heimildum var Alpha Conteh ögrað og brást hann við með því að slá Muhamed Alghoul. Conteh er á sínum stað í liði Keflavíkur en Muhamed Alghoul er ekki í hópnum og ekki heldur bróðir hans, Halid Alghoul.

Haraldur Freyr Guðmundsson, þjálfari Keflavíkur, gerir eina breytingu frá tapinu gegn Víkingi fyriir tæpum tveimur vikum síðan. Eiður Orri Ragnarsson kemur inn í liðið og Marin Mudrazija tekur sér sæti á bekknum.

Hallgrímur Jónasson, þjálfari KA, gerir þrjár breytingar frá jafnteflinu gegn Þór fyrir níu dögum síðan. Birgir Baldvinsson og Jeppe Pedersen snúa til baka úr banni og Valdimar Logi Sævarsson kemur einnig inn í liðið. Kári Gautason og Danijel Dejan Djuric taka sér sæti á bekknum en Jakob Snær Árnason tekur út leikbann.