Fotbolti.net
06.01.15 - 08:30
Ívan Guðjón Baldursson

West Ham missir Song og Zarate (Staðfest)

Song hefur ekki fengið að spila síðan hann var rekinn útaf gegn Króatíu.

Song hefur ekki fengið að spila síðan hann var rekinn útaf gegn Króatíu.

Canon

Mynd: Getty Images

Mauro Zarate er kominn til QPR á láni út tímabilið eftir að Sam Allardyce, stjóri West Ham, sagði argentínska sóknarmanninn ekki nægilega góðan fyrir félagið.

Miðjumaðurinn Alex Song hefur aftur á móti verið einn besti leikmaður liðsins á tímabilinu en verður ekki með fyrr en í fyrsta lagi í lok janúar.
West Ham missir því þrjá lykilmenn sína í janúar þar sem þeir keppa á Afríkumótinu, tveir með Senegal og Song leikur með Kamerún.

Song var ekki í upprunalegum hóp Kamerúna enda hefur hann ekki fengið að spila landsleik síðan hann var rekinn af velli gegn Króatíu á HM í sumar.

Miðjumaðurinn hefur þó verið einn af þeim bestu í ensku Úrvalsdeildinni þetta tímabilið og ákvað Robert Finke, landsliðsþjálfari Kamerún, að fá Song í landsliðið í stað Stephane Mbía sem missir af mótinu vegna meiðsla.

Cheickou Kouyate og Diafra Sakho hafa verið mjög góðir á tímabilinu en fara báðir með senegalska landsliðinu á mótið.

Riðlakeppni Afríkumótsins er búin undir lok janúar þannig að Afríkufararnir missa af minnst tveimur leikjum, en gætu misst af allt að fimm leikjum.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.