Thibaut Courtois, markmaður Real Madrid, átti að byrja leikinn gegn Mallorca í spænsku deildinni í gær en meiddist í upphitun.
Hann fer í frekari skoðanir í dag og Carlo Ancelotti, stjóri liðsins, vildi lítið tjá sig um Courtois eftir leikinn í gær.
Hann fer í frekari skoðanir í dag og Carlo Ancelotti, stjóri liðsins, vildi lítið tjá sig um Courtois eftir leikinn í gær.
„Hann fann fyrir einhverju í upphitun og hann fer í skoðanir á morgun til að sjá hvað vandamálið er. Þetta var allavega það alvarlegt að hann spilaði ekki leikinn," sagði Ancelotti.
Real mætir Liverpool eftir tvær vikur í fyrri leik liðanna í Meistaradeildinni. Það er ljóst að það yrði mikið áfall fyrir Real að missa Courtois úr liðinu. Fyrir eru þeir Karim Benzema og Eder Militao frá vegna meiðsla.
Andriy Lunin varði mark Real í gær í 1-0 tapi gegn Mallorca á útivelli.
Athugasemdir