Nú er leikur Burnley og Arsenal í gangi en spilað er á Turf Moor.
Skytturnar byrjuðu vel og skoraði fyrirliði liðsins, Pierre-Emerick Aubameyang, fyrsta mark leiksins á sjöttu mínútu eftir undirbúning frá Willian.
Arsenal var betra liðið í fyrri hálfleiknum og hefði geta bætt við fleiri mörkum. Það gerðist ekki og var liðinu refsað harkalega undir lok hálfleiksins.
Granit Xhaka gerði skelfileg mistök. Hann var með knöttinn inn í eigin vítateig og ætlaði að senda hann til hægri á David Luiz. Það vildi ekki svo betur til en að hann skaut beint í magann á Chris Wood og þaðan fór boltinn í netið.
Þetta var fyrsta marktilraun, ef svo má kalla, Burnley í leiknum. Markið má sjá hérna.
Athugasemdir