Fimm stjórar sem gætu tekið við Tottenham núna ef Tudor verður rekinn

Tottenham er stigi fyrir ofan fallsæti og hætta á að liðið verði í Championship-deildinni á næsta tímabili.

Mauricio Pochettino er sagður efstur á óskalista Tottenham sem næsti stjóri en hann stýrir nú bandaríska landsliðinu og verður ekki laus fyrr en eftir HM í sumar.

Mirror tók saman lista yfir fimm stjóra sem gætu stokkið inn og tekið við Tottenham núna og stýrt liðinu út tímabilið ef Tudor fær sparkið.


Ryan Mason
Fyrrum leikmaður Tottenham hefur áður stokkið inn þegar á hefur þurft að halda. Tók við til bráðabirgða þegar Jose Mourinho og Cristian Stellini voru látnir taka pokann sinn. Er fyrrum stjóri West Bromwich Albion.


Harry Redknapp
Fyrrum stjóri Tottenham er 79 ára og er hættur í þjálfun en gæti líklega verið klár í að stökkva inn til að aðstoða félagið.


Robbie Keane
Þessi fyrrum leikmaður Tottenham stýrir nú Ferencvaros í Ungverjalandi þar sem hann hefur gert góða hluti.


Roberto De Zerbi
Þessi fyrrum stjóri Brighton er atvinnulaus eftir að hann yfirgaf Marseille. Er væntanlega bara klár í Spurs ef hann fær starfið til frambúðar.


Edin Terzic
Þessi fyrrum stjóri Dortmund hefur áður verið orðaður við Tottenham.