Samherjar í Tottenham rifust heiftarlega - „Sýnir að þeim er ekki sama“

Ange Postecoglou stjóri Tottenham segir ekkert vandamál vera vegna varnarmannana Cristian Romero og Emerson Royal sem rifust heiftarlega í hálfleik á Anfield í gær.

Liverpool hafði mikla yfirburði og vann Tottenham 4-2. Gestirnir voru heppnir að vera bara tveimur mörkum undir í hálfleik þegar Romero og Emerson létu hvorn annan heyra það. Markvörðurinn Guglielmo Vicari hljóp á vettvang til að fá samherja sína til að hætta rifrildinu.