Gunnlaugur aftur í bann
Hiti við hliðarlínuna eftir leik.
Aga- og úrksurðarnefnd hefur úrskurðað Víkingana Loga Tómasson og Sölva Geir Ottesen í eins leiks bann. Bannið fá þeir fyrir hegðun sína við hliðarlínuna í lok leiks Breiðabliks og Víkings á föstudagskvöld.
Aðstoðarþjálfarinn Sölvi Geir fékk að líta rauða spjaldið fyrir munnsöfnuð og Logi fyrir að ýta Halldóri Árnasyni sem féll við það til jarðar. Bannið taka þeir Logi og Sölvi út á heimavelli gegn Fram á sunnudag.
Aðstoðarþjálfarinn Sölvi Geir fékk að líta rauða spjaldið fyrir munnsöfnuð og Logi fyrir að ýta Halldóri Árnasyni sem féll við það til jarðar. Bannið taka þeir Logi og Sölvi út á heimavelli gegn Fram á sunnudag.
Elvis Bwomono verður í leikbanni þegar ÍBV heimsækir KR á laugardag og Gunnlaugur Fannar Guðmundsson er einhvern veginn kominn með sjö áminningar og fer því í annað sinn í bann í sumar. Gunnlaugur missir af heimaleik Keflavíkur gegn Stjörnunni.
Jóhann Ægir Arnarsson verður í leikbanni þegar FH tekur á móti Breiðabliki á laugardaginn.
Ágúst Eðvald Hlynsson er kominn í leikbann í bikarnum og missir af undanúrslitaleik Breiðabliks. Þá mun Eggert Gunnþór Jónsson taka út leikbann í fyrsta bikarleik á næsta tímabili þar sem FH er dottið úr leik í bikarnum.
Í Lengjudeildinni var Guðjón Pétur Lýðsson dæmdur í tveggja leikja bann fyrir rauða spjaldið og hegðun sína þegar Grindavík fékk Aftureldingu í heimsókn í síðustu viku. Robert Blakala (Njarðvík) og Oskar Wasilewski (Selfoss) taka einnig út leikbann í næstu umferð Lengjudeildarinnar.
Guðjón Pétur.
Athugasemdir
